A RIVOLTA

Amichatiste Nombre de messages : 11243 Age : 61 Date d'inscription : 08/05/2005

A rivolta

O fratellu, o fratellu,
Sò sbarcati versu sera,
Cù li cavalli di ferru
Facenu trimà la terra
U rinforzu di i fucili
È cù la tenuta nera.

Ùn sentite per le muntagne
Le muvre sò accampate
In lu celu bughjicosu
E stelle si sò piattate
E mamme à lu fucone
Di neru sò ammantate.

Ricantu :
Cantanu i patriotti
Nant'à i chjassi di a storia
Cantanu la patria amata
È la so santa memoria.

O fratellu, o fratellu,
S'hè piattatu lu scruccone,
Hà paura u deputatu
Ùn averà più buccone,
Marchja u populu rittu,
In casa di u latrone.

E catene sò strappate,
Pronta hè la to carchera
E campane ind'i paesi
Sonanu à sbattagliera
Per la pace, per l'avvene
È per la santa bandera.

Ricantu:

Cantanu i patriotti
Nant'à i chjassi di a storia
Cantanu la patria amata
È la so santa memoria.

Cette chanson est très souvent chantée lors de nos fêtes !!!